nije evidentirano

Nga historia ushtarake kroate – croati a cavallo dhe soldati albanesi, shoqata e tyre dhe lënda për veprimtarinë e tyre nga viti 1675 deri në gjysmën e shekullit XVIII

Temë e këtij punimi janë njësitë elitare ushtarake të Venedikut përtej Adriatikut, në burimet e quajtura Croati a cavallo (Cavalleria Croata) dhe Soldati Albanesi, si dhe shoqata e tyre e Shën Jeronimit, e themeluar më 1675 në Zarë. Shoqata ka grumbulluar pjesëtarët e kalorësisë së lehtë kroate, me prejardhje së pari nga regjioni i Zarës (nga viset të cilat kishin rënë nën sundimin osman), udhëheqësit e të cilëve janë persona nga historia ushtarake dhe shoqërore kroate (avokatë nga familjet Posedarski, Benja, Detrico etj.) ; ka tubuar edhe pjesëtarë të aradheve të këmbësorisë dhe kalorësisë me prejardhje nga krahina venedikase e Shqipërisë. Në punim zbërthehen hollësisht dispozitat statutare (Matrikula) të shoqërisë (mënyra e kalimit në tjetrën, zgjedhja e anëtarëve të veçantë të udhëheqjes si dhe të drejtat dhe obligimet e tyre ; veprimtaria humanitare e shoqërisë dhe vendosmëria e tyre për rregullimin e altarit vëllazëror), si dhe aktet e bëra që nga themelimi i saj deri në mesin e shekullit XVIII (konfirmimet e privilegjeve të vjetra dhe dispozitat e reja të proveditorit gjeneral të Dalmacisë etj.). Në fund të punimit paraqitet përshkrimi i tërësishëm i dorëshkrimit të Matrikulës së shoqatës së ushtarëve kroatë dhe shqiptarë.

Dalmacia, Shqipëria, Republika e Venedikut, Zara, historia ushtarake, luftërat veneto-turke, shekulli i hershëm i ri, shoqatat

nije evidentirano